Oilaning oltin qo‘rg‘oni
Toshkent shahar, Chilonzor tumani “Yakkabog‘” mahallasida “Oilaning oltin qo‘rg‘oni” shiori ostida ma’naviy-ma’rifiy tadbir bo‘lib o‘tdi.
Mamlakatimizda oilaning iqtisodiy asoslarining mustahkamlanishi natijasida kundan-kunga uning farovonligi oshib bormoqda. Oilada tinchlik va xotirjalikka erishish borasida amalga oshirilayotgan tadbirlarda mahalliy hokimiyat organlari faol qatnashmoqda.
Anjumanda so‘zga chiqqanlar keksalar, ota-ona, farzandlar o‘rtasidagi munosabatlarning ma’naviy mezonlarini shakllantirish va oilani mustahkamlash borasida qanday choralar ko‘rish lozimligi haqida atroflicha to‘xtalib o‘tdilar. Bundan tashqari tadbirda millatimizga xos zamonaviy va milliy liboslar namoyish etildi. Unda poytaxtdagi yetakchi o‘rta-masus ta’lim muassasalari o‘quvchilari faol qatnashdi.
Ch.XUSHVAQTOVA
