2018 yildan barcha o‘smir qizlar odam papilloma virusiga qarshi emlanadi
Sog‘liqni saqlash vazirligi ma’lumotiga ko‘ra 2018 yildan mamlakatda dunyoda birinchilardan bo‘lib, o‘smir qizlarni odam papilloma virusiga qarshi emlash bilan to‘liq qamrab olish yo‘lga qo‘yiladi.
Bu ayollar o‘rtasida onkologik kasalliklarning oldini olish, reproduktiv salomatlikni mustahkamlashga xizmat qiladi. Ma’lumot uchun papilolloma virusi kasallik bo‘lib, uning 100 dan ortiq turi mavjud. Ayrim ko‘rinishlari esa onkologik xastaliklarni keltirib chiqaradi. Ushbu xastalikdan himoyalanishning eng samarali usuli – papilloma virusiga qarshi emlashdir. Jahon sog‘liqni saqlash tashkiloti emlash tadbirini 9-13 yoshli qizlar o‘rtasida o‘tkazishni tavsiya etadi.
