Muqaddas qadamjo yangi qiyofada
Prezidentimiz Shavkat Mirziyoev tashabbusi bilan Surxondaryo viloyati Sherobod tumanidagi Abu Iso at-Termiziy ziyoratgohi tubdan qayta rekonstruksiya qilinib, butunlay o‘zgacha qiyofa kasb etdi. Bu yerda amalga oshirilgan keng ko‘lamli bunyodkorlik ishlari samarasida hududdagi infratuzilma ham yangilandi. Qabriston obodonlashtirildi.
Ziyoratgohga tashrif buyuruvchilar uchun barcha sharoit yaratilib, 420 o‘ringa mo‘ljallangan va milliy me’morlik an’analarini o‘zida mujassam etgan Jome’ masjidi, zamonaviy kutubxona barpo etildi.
Bugun bu yerga kelgan kishining bahri dili ochiladi. Atrofdagi gulzorlar ko‘zni quvontiradi. Ayniqsa, majmuaning tungi ko‘rinishi yanada jozibali.
