QAHVA DAMLOVCHI QO‘NG‘IROQ
Britaniyalik dizayner Josh Renuf anchadan beri mo‘ljallab yurgan orzusini amalga oshirdi va uni “Barisieur” deb nomladi.
Uning loyihasi shunday qurilganki, u bir vaqtning o‘zida ham uyg‘otuvchi qo‘ng‘iroq, ham qahva qaynatgich bo‘la oladi. Ertalab qaynoq qahvaning lazzatbaxsh iforini tuyib ko‘z ochasiz. Siz qiladigan yagona ish tunda uni zarur masalliqlar bilan ta’minlash. Qo‘ng‘iroq jiringlashi bilan bir vaqtning o‘zida qahva qaynatishni boshlaydi va sizni istamasangizda turishga majbur etadi.
