Respublika bolalar kitoblari festivali
O‘zbekiston Milliy kutubxonasida “Sog‘lom va ma’naviy yetuk avlod – yurt kelajagi!” shiori ostida “Bolalar kitobi” respublika festivali hamda kitoblar ko‘rgazmasi bo‘lib o‘tdi.
Tadbir davomida bolalar adabiyoti namunalari ko‘rgazmasi, mamlakatimizning yetakchi nashriyotlari tomonidan nashr etilgan bolalar kitoblari, eng sara badiiy va ensiklopedik kitoblar taqdimoti bo‘lib o‘tdi. Bundan tashqari bolalarni o‘z tengdoshlari ijodi bilan yaqindan tanishtirish maqsadida kutubxonada o‘quvchilarning turli xalqlar ertaklari asosida chizilgan rasmlar ko‘rgazmasi ham namoyish etildi.
Tadbir so‘nggida ishtirokchilarga O‘zbekiston Respublikasi Xalq ta’limi vazirligi tasarrufidagi bolalar kutubxonasining “Kitoblarni qadrlaymiz!” mavzusida teatrlashtirilgan konsert dasturi bo‘lib o‘tdi.
