FOND faoliyatidan (2014/38)
Toshkent. Shahar tayanch maskani tomonidan Chilonzor tumanidagi “Cho‘pon ota” mahallasida Ko‘zi ojizlar jamiyati shahar kengashi hamkorligida xayriya aksiyasi o‘tkazildi. Shuningdek, aqliy rivojlanishida kamchiligi bo‘lgan bolalar uchun ixtisoslashtirilgan 289-sonli maktabgacha ta’lim muassasasida madaniy-ma’rifiy tadbir o‘tkazilib, ishtirokchilarga kiyim-kechaklar tarqatildi.
Farg‘ona. Fondning hududiy filiali tomonidan “Biz – sog‘lom hayot tarzi tarafdorimiz” loyihasi doirasida velohavaskorlar, o‘quvchilar, talabalar hamda sport faxriylarining Qo‘shtepa-Farg‘ona-Vodil-Farg‘ona yunalishi bo‘yicha velomarafoni o‘tkazildi. G‘oliblarga fond hududiy filiali tomonidan sovg‘alar berildi.
Samarqand. Fondning hududiy filiali tomonidan Samarqand shahar pedagogika kasb-hunar kollejida “Ayollari e’zozli yurt bu!” deb nomlangan tadbir o‘tkazildi.
Abbosjon ERGASHEV,
“Sog‘lom avlod uchun” xalqaro xayriya fondi matbuot kotibi
