Buyuk siymolar tavalludiga bag‘ishlandi
Mirobod tumanidagi 294-maktabda muassasada ta’lim olayotgan o‘quvchilar ishtirokida Alisher Navoiy va Zahiriddin Muhammad Bobur tavalludiga bag‘ishlangan tadbir o‘tkazildi. Tadbirda o‘quvchilar mumtoz shoirlarning hayoti va ijodi haqida sahna ko‘rinishlarini namoyish qilishdi. Ularning yozgan g‘azallaridan namunalar o‘qib berishdi.
“Buyuk siymolar” mavzusida o‘tkazilgan ushbu tadbirda shoirlar mehmon sifatida tashrif buyurishdi. Unda “Sog‘lom avlod” gazetasi bosh muharriri Faxriddin Hayitov, “Gulxan” jurnali bo‘lim muharriri Muhabbat Hamidova, OAV agentligi bosh muharriri Muxiddin Omon so‘zga chiqib o‘quvchilarni qiziqtirgan savollarga javob berishdi.
Charos Xushvaqtova
