Асалли торт
Зарур маҳсулотлар: 4 дона тухум, 3 ош қошиқ асал, 300 гр. шакар, 200 гр. сариёғ, 500 гр. ун, 100 мл. сут, 100 гр. қора шоколад, желатин, крахмал, ванилин керак бўлади.
Тайёрланиши: дастлаб товага асал, шакар солиб, аралаштирилади. Шакар эригунга қадар алоҳида идишда тухум яхшилаб ийланади. Сўнг асалли қоришмага ун, крахмал, истеъмол содаси, ванилин, тухум, сариёғ солиб, юмшоқ хамир қорилади. Сўнгра 4 та зувалага ажратилади. Тинган зувалаларни газ патнисига мослаб, тўртбурчак қилиб ёйилади ва қизиган газ печида 170 даража ҳароратда 5 дақиқа давомида пишириб олинади.
Алоҳида идишга ун, шакар, сут солиб, паст оловда крем тайёрлаб олинади. Крем совугач, сариёғ солиб миксерда аралаштирилади.
Патнисига пишган хамирни устма-уст қўйиб, ҳар бирининг орасига крем, желатин суртилади. Энг устига эритилган шоколад бир текисда суртиб чиқилади.
БЕГОЙИМ
