ЮРТИМИЗДА ЯНА БИР ЙИРИК СПОРТ БАЙРАМИ
1-3 октябрь кунлари “Ўзбекистон” спорт саройида дзюдо бўйича Гран-При туркумига кирувчи йирик мусобақа ўтказилади. 2016 йили Бразилиянинг Рио-де-Жанейро шаҳрида ўтказиладиган XXXI ёзги Олимпиада ўйинларининг йўлланмалари учун рейтинг очколар ўйналадиган мазкур мусобақада бугунги кунга келиб 60 га яқин давлат вакиллари иштирок этишини билдирган.
Таъкидлаш жоизки, Гран-При туркумига кирувчи мазкур мусобақа 2013 йилдан буён мамлакатимиз пойтахтида ўтказилмоқда. Мусобақаларда дастлабки йиллларда 20 давлат вакиллари иштирок этган бўлишса, ўтган йили 42 давлат спортчилари ғолиблик учун кураш олиб бордилар.
Йилдан-йилга нуфузи ва даражаси ортиб бораётган мазкур мусобақада Ўзбекистон терма жамоаси ҳам тўлиқ таркибда иштирок этади.
