YURTIMIZDA YANA BIR YIRIK SPORT BAYRAMI
1-3 oktyabr kunlari “O‘zbekiston” sport saroyida dzyudo bo‘yicha Gran-Pri turkumiga kiruvchi yirik musobaqa o‘tkaziladi. 2016 yili Braziliyaning Rio-de-Janeyro shahrida o‘tkaziladigan XXXI yozgi Olimpiada o‘yinlarining yo‘llanmalari uchun reyting ochkolar o‘ynaladigan mazkur musobaqada bugungi kunga kelib 60 ga yaqin davlat vakillari ishtirok etishini bildirgan.
Ta’kidlash joizki, Gran-Pri turkumiga kiruvchi mazkur musobaqa 2013 yildan buyon mamlakatimiz poytaxtida o‘tkazilmoqda. Musobaqalarda dastlabki yilllarda 20 davlat vakillari ishtirok etgan bo‘lishsa, o‘tgan yili 42 davlat sportchilari g‘oliblik uchun kurash olib bordilar.
Yildan-yilga nufuzi va darajasi ortib borayotgan mazkur musobaqada O‘zbekiston terma jamoasi ham to‘liq tarkibda ishtirok etadi.
