ONA MUHABBATI
Ona mehri muqaddas,
Mangu yashar hamisha.
Bizni bag‘riga chorlar,
Tengsiz saxovatpesha.
Ko‘rsang yaxshi, yomon kun,
Tark etmas munis onang.
Duo aylab tun-u kun,
Boshingdadir parvonang.
Men nechun alqamayin,
Dilbar, mushfiq onamni.
Dilin hech og‘ritmayin,
Bebaho, durdonamni.
Dilafruz BeKMIRZA qizi,
Chinoz tumani, “Chinoz hayoti” gazetasi qoshidagi “So‘z” to‘garagi a’zosi
