Beparvo bo‘lmang
Yurtimiz kun sayin chiroy ochib bormoqda. Ravon yo‘llar, ko‘rkam binolar ko‘zni quvnatadi. Ayniqsa, mahallalarning zamonaviy qiyofa kasb etayotgani nur ustiga nur.
Buning zamirida xalqimizning obodonchilik va yaratuvchanlik hissi bilan yashayotgani, shu yo‘lda jonbozlik ko‘rsatayotgani mujassam. Ammo yuzaga keladigan ba’zi noxush holatlar kishi dilini g‘ash qiladi. Ana shunday ko‘ngilsizliklardan biri tasofidiy yong‘inlardir.
Yong‘in kelib chiqishining boisi nimada? Albatta, beparvolik, loqaydlik, e’tiborsizlik. Shuningdek, elektr simlarining qisqa tutashuvi, tamaki qoldiqlarini o‘chirmaslik, televizorni, dazmolni yoqilgan holda qoldirish va boshqa sabablar ko‘plab ko‘ngilsiz hollarni yuzaga keltirmoqda.
Xalqimizni o‘t balosidan asrash nafaqat yong‘in xavfsizligi xizmati xodimlarining, balki har bir insonning muqaddas burchidir. Zero, sergaklik hech qachon zarar keltirmagan.
Zafar TOSHTEMIROV,
25-HYOXK boshlig‘ining o‘rinbosari, mayor
