Jajji yulduzlarning ajib anjumani
“Kamalak” yulduzlari” bolalar ijodiyoti festivalining Toshkent shahar saralash bosqichi bo‘lib o‘tdi.
Bu yil mazkur tadbirning Toshkentda o‘tkazilgan dastlabki saralash bosqichlarida 10 mingga yaqin o‘g‘il-qiz o‘z iste’dodini namoyish etdi. Ulardan 760 nafari festivalning shahar bosqichida qatnashish imkoniga ega bo‘ldi.
O‘zbekiston davlat konservatoriyasi zallari, foye va o‘quv xonalarida bolalar mumtoz va zamonaviy qo‘shiqchilik, musiqa asboblari ijrochiligi, tasviriy va amaliy san’at, raqs, nasr va nazm kabi yo‘nalishlarda bilim va mahoratini sinovdan o‘tkazdi.
G‘oliblar festivalning yakuniy gala-konsertida ishtirok etadi.
