Bir oyda 5 mingdan ziyod xorijlik o‘zbekistonga kirish uchun elektron vizasini so‘rab murojaat qilgan
Xorijiy mamlakatlar fuqarolariga O‘zbekistonga kirish uchun beriladigan elektron viza bo‘yicha bir oylik ko‘rsatkichlar haqida ma’lumot berildi.
14 avgust holatiga ko‘ra dunyoning 42 mamlakatidan 5 ming 198 nafar kishi O‘zbekistonga kirish uchun elektron viza so‘rab murojaat qilgan. Shundan 4719 nafariga viza berilgan, 479 nafar kishining esa arizasi ko‘rib chiqilmoqda. Rad etilish holatlari kuzatilmagan.
Elektron viza ko‘rsatkichlariga ko‘ra O‘zbekistonga qiziqish bildirayotgan davlatlar orasida hamon Xitoy (1 121 kishi) yetakchilik qilmoqda. AQSH (640 kishi) va Buyuk Britaniya (585 kishi) fuqarolari esa ikkinchi va uchinchi o‘rinlarda qayd etilgan.
