Haqiqat
Egib ko‘rding, sinmadim. Yanchib ko‘rding, yakson bo‘lmadim. Olovgayam otding, suvgayam solding. Yonmadim ham, cho‘kmadim ham.
Ko‘kka uloqtirsang, qaytib tushdim. Yerga ko‘mganding – unib chiqdim. Qochding, ortingdan quvib yetdim. Unutmoqchi bo‘lding, shuuringga aksimni soldim. Ko‘z yumding, qarog‘ingga joylandim.
Meni tinglashing, tan olishing uchun yana nima qilay?!
Xurshida ABDULLAYEVA
