Оч қоринга истеъмол қилиш мумкин бўлмаган маҳсулотлар
Парҳезшунослар қуйида кўрсатилган маҳсулотларни оч қоринга истеъмол қилмасликни маслаҳат беради:
- Банан организм учун фойдали бўлишига қарамасдан, уни эрталабки рацион таркибига киритиш тавсия этилмайди. У оч қоринга ейилганда таркибидаги магний организмга тез сингади, бу эса юрак-қон томир тизимига босим ўтказади.
- Цитрус мевалар таркибидаги кислоталар бўш ошқозонга тушганида меъда қайнаши, аллергия, гастрит ва яра пайдо бўлишига олиб келади.
- Тонгда ширинликларни кўп истеъмол қилиб бўлмайди. Уйғонгандан сўнг ошқозон ости бези ортиқча шакар бўлганда, етарли миқдорда инсулин ишлаб чиқара олмайди. Оқибатда кислота-ишқор мувозанати бузилади.
- Помидор кислотаси ошқозон шираси билан алоқага киришганда яра пайдо қилиши мумкин.
- Эрталаб етарли миқдорда ошқозон шираси ишлаб чиқарилмаган пайтда организм бодринг таркибидаги кислоталарни узоқ парчалайди. Бу эса меъда қайнашини юзага келтиради.
- Нок бўш ошқозоннинг шиллиқ қаватига зарар етказиши мумкин.
- Ўткир дориворлар шиллиқ пардага таъсир ўтказади ва ошқозон ширасининг ҳаддан ташқари кўп ишлаб чиқарилишига сабаб бўлади. Бунинг натижасида ошқозон-ичак йўли касалликлари ривожланиши хавфи ортади.
- Газланган ичимликлар шиллиқ қаватини қўзғатади, у ердаги қон айланишини секинлаштиради, оқибатда овқат қийин хазм бўлади.
Миржалол Мадвалиев тайёрлади.
