Тухумли қайнатма шўрва
Керакли масаллиқлар: 350 грамм товуқ гўшти, 60 г сабзи, 60 г пиёз, 2 боғ кўкат, 1,5 литр сув, 4-5 дона қалампир, 1-2 дона лавр япроғи, 3 шона чиннигул, таъбга кўра туз ва мурч.
Тайёрланиши:
- Совуқ сувга товуқ гўштини солиб, ўртача оловга қўйилади.
- Пиёз ва сабзидан пир нечта бўлак қирқиб олиниб, пиёзнинг қолган қисмига чиннигул шонаси суқиб чиқилади.
- Пиёз ва сабзи бўлаги қуруқ това ёки плитада жизғанак қилинади.
- Ҳамма сабзавотни қозонга солиб, шўрва қайнашига яқин олов паслатилади ва шу ҳолатда 40 дақиқа пиширилади.
- Вақти-вақти билан шўрва юзасида пайдо бўлган кўпикни олиб туриш зарур.
- Шўрва пишишига 10 дақиқа қолганида лавр япроғи ва кўкатлар солинади. Шундан сўнг таъбга кўра туз ва мурч қўшилади. Бу вақтгача тухум қайнатиб олинган бўлиши керак.
- Косага ўртасидан бўлинган тухумнинг бир қисми, майдаланган кўкат солиниб, устидан қайноқ шўрва қуйилади ва дастурхонга тортилади.
Озодахон Аҳмадқулова тайёрлади.
