O‘zbek ixtirochilari diabetik non mahsuloti tayyorlash usulini ishlab chiqdi
«Donmahsulotlari ilmiy ishlab chiqarish markazi» mas’uliyati cheklangan jamiyat xodimlari diabetik non-bo‘lka mahsulotini tayyorlash usulini ixtiro qildilar. Bu haqda O‘zbekiston intelektul mulk agentligi axborot xizmati xabar bermoqda.
Mazkur usuldan oziq-ovqat sanoati, chunonchi funksional foydalanishga mo‘ljallangan non-bo‘lka mahsulotlarini ishlab chiqarish, xususan, diabetik non-bo‘lka mahsulotlarini ishlab chiqarishda foydalaniladi.
Ushbu ixtironing asosiy vazifasi oziq-ovqat tolalari va funksional qo‘shimchalar bilan boyitilgan, non sifatining organoleptik va fizik-kimyoviy ko‘rsatkichlari yaxshilangan diabetik non-bo‘lka mahsulotini ishlab chiqishdan iboratdir.
Ixtiro mualliflariga agentlik tomonidan patent topshirildi.
