Mazmunli va ko‘ngilli ta’til
Poytaxtimizning Mirobod tumanidagi 2-sonli bolalar va o‘smirlar sport maktabida sport musobaqasi bo‘lib o‘tdi.
Turnirda yoshlar sportning turli yo‘nalishlari bo‘yicha o‘zaro bellashdi.
– Sport maktabimizda 600 ga yaqin bola darsdan tashqari paytlarda sportning futbol, voleybol, basketbol, tennis turlari bilan muntazam shug‘ullanadi, – deydi Mirobod tumani 2-sonli bolalar va o‘smirlar sport maktabi direktori Mehri Qurbonova. – Bolalarning bo‘sh vaqtlarini mazmunli o‘tkazish maqsadida tez-tez musobaqalar uyushtiramiz. Bu tadbirlar ularning sportga bo‘lgan qiziqishini yanada oshirmoqda.
Bellashuvlar yakunida g‘oliblar aniqlanib, ularga faxriy yorliq va esdalik sovg‘alari topshirildi.
J. SA’DULLAYEV
