Мазмунли ва кўнгилли таътил
Пойтахтимизнинг Миробод туманидаги 2-сонли болалар ва ўсмирлар спорт мактабида спорт мусобақаси бўлиб ўтди.
Турнирда ёшлар спортнинг турли йўналишлари бўйича ўзаро беллашди.
– Спорт мактабимизда 600 га яқин бола дарсдан ташқари пайтларда спортнинг футбол, волейбол, баскетбол, теннис турлари билан мунтазам шуғулланади, – дейди Миробод тумани 2-сонли болалар ва ўсмирлар спорт мактаби директори Меҳри Қурбонова. – Болаларнинг бўш вақтларини мазмунли ўтказиш мақсадида тез-тез мусобақалар уюштирамиз. Бу тадбирлар уларнинг спортга бўлган қизиқишини янада оширмоқда.
Беллашувлар якунида ғолиблар аниқланиб, уларга фахрий ёрлиқ ва эсдалик совғалари топширилди.
Ж. САЪДУЛЛАЕВ
