Иқтидорли талабалар ва фаол профессор-ўқитувчилар тақдирланди
Тошкент давлат аграр университетида 2016 йил фан, таълим, маданият, спорт ва ижтимоий соҳаларда катта ютуқларни қўлга киритган иқтидорли талаба-ёшлар, фаол профессор-ўқитувчилар тақдирланди.
2016 йилда олийгоҳнинг уч нафар талабаси “Ўзбекистон белгиси” кўкрак нишони совриндори бўлдилар. Шунингдек, олий таълим муассасалари ўртасида ўтказилган “Энг фаол маънавият тарғиботчиси” кўрик-танловида ўқитувчи Сайёра Мирзаева, “Энг намунали хотин-қизлар” кўрик-танловида Маҳмуда Ёқубова фахрли ўринларни эгаллади.
Йиғилишда йигит-қизлар юртимизда ёшларга кўрсатилаётган доимий эътибор ва ғамхўрлик учун миннатдорлик билдириб, Ватанимиз равнақи ва халқимиз фаровонлиги йўлида астойдил меҳнат қилишларини таъкидлади.
В. ПЎЛАТОВА
