Iqtidorli talabalar va faol professor-o‘qituvchilar taqdirlandi
Toshkent davlat agrar universitetida 2016 yil fan, ta’lim, madaniyat, sport va ijtimoiy sohalarda katta yutuqlarni qo‘lga kiritgan iqtidorli talaba-yoshlar, faol professor-o‘qituvchilar taqdirlandi.
2016 yilda oliygohning uch nafar talabasi “O‘zbekiston belgisi” ko‘krak nishoni sovrindori bo‘ldilar. Shuningdek, oliy ta’lim muassasalari o‘rtasida o‘tkazilgan “Eng faol ma’naviyat targ‘ibotchisi” ko‘rik-tanlovida o‘qituvchi Sayyora Mirzayeva, “Eng namunali xotin-qizlar” ko‘rik-tanlovida Mahmuda Yoqubova faxrli o‘rinlarni egalladi.
Yig‘ilishda yigit-qizlar yurtimizda yoshlarga ko‘rsatilayotgan doimiy e’tibor va g‘amxo‘rlik uchun minnatdorlik bildirib, Vatanimiz ravnaqi va xalqimiz farovonligi yo‘lida astoydil mehnat qilishlarini ta’kidladi.
V. PO‘LATOVA
