Terma jamoamiz durang o‘ynadi
Kolumbiyada futzal bo‘yicha o‘tkazilayotgan jahon chempionatida O‘zbekiston milliy terma jamoasi a’zolari dastlabki ochkoni qo‘lga kiritdi.
Nufuzli musobaqada dunyoning eng kuchli yigirma to‘rt davlati terma jamoasi 6 guruhga bo‘lingan holda g‘oliblik uchun o‘zaro bahslashmoqda. Har bir guruhda birinchi va ikkinchi o‘rinni egallagan jamoalar hamda eng yaxshi ko‘rsatkich bilan uchinchi o‘rinni egallagan to‘rtta jamoa pley-off bosqichida ishtirok etadi.
Chempionatda Kolumbiya, Portugaliya va Panama terma jamoalari bilan birga “A” guruhida to‘p surayotgan mamlakatimiz futbolchilari dastlabki o‘yinda panamaliklarga 1:3 hisobida imkoniyatni boy bergan edi. Guruhdagi ikkinchi bahsda terma jamoamiz a’zolari kolumbiyalik futbolchilarga qarshi maydonga tushdi.
Uchrashuv 3:3 hisobi bilan yakunlandi. Ayni paytda terma jamoamiz hisobida bir ochko bor. Futbolchilarimiz navbatdagi o‘yinni 16 sentyabr kuni Portugaliya terma jamoasiga qarshi o‘tkazadi.
T.ORTIQOVA
