Jismoniy mashqlar saratonga qarshi
Gonkong universiteti olimlari saratonga chalingan bemorlar asosiy muolajadan so‘ng jismoniy mashqlar bilan shug‘ullanishi, ular kayfiyatini ko‘tarib, salomatligining tez tiklanishiga katta yordam beradi, deya ta’kidlashmoqda.
Olimlar o‘rtacha 55 yoshdagi bemorlar bilan 13 hafta davomida tajriba o‘tkazishdi. Shu vaqt ichida jismoniy mashqlar bilan shug‘ullangan barcha bemorlarning holati yaxshi tomonga o‘zgardi. Masalan, sut bezi saratoniga chalinganlarda qondagi qand miqdori va jismoniy funksiyalar yaxshi tomonga o‘zgardi. Horg‘inlik va depressiya yo‘qoldi, umuman olganda, hayot sifati ortdi. Saratonning boshqa turlariga chalingan bemorlarda ham ijobiy o‘zgarishlar qayd etildi.
