Жисмоний машқлар саратонга қарши
Гонконг университети олимлари саратонга чалинган беморлар асосий муолажадан сўнг жисмоний машқлар билан шуғулланиши, улар кайфиятини кўтариб, саломатлигининг тез тикланишига катта ёрдам беради, дея таъкидлашмоқда.
Олимлар ўртача 55 ёшдаги беморлар билан 13 ҳафта давомида тажриба ўтказишди. Шу вақт ичида жисмоний машқлар билан шуғулланган барча беморларнинг ҳолати яхши томонга ўзгарди. Масалан, сут бези саратонига чалинганларда қондаги қанд миқдори ва жисмоний функциялар яхши томонга ўзгарди. Ҳорғинлик ва депрессия йўқолди, умуман олганда, ҳаёт сифати ортди. Саратоннинг бошқа турларига чалинган беморларда ҳам ижобий ўзгаришлар қайд этилди.
