KAMQONLIKNI BIR ZUMDA ANIQLASH MUMKIN
Hozirgi kunda dunyo aholisining 2 milliardga yaqini kamqonlik kasalligidan aziyat chekadi. Kasallikka chalinganlar orasida maktab yoshidagi bolalar va homilador ayollar 30 foizni tashkil qiladi.
Kanzas universiteti olimlari unchalik qimmat bo‘lmagan biotibbiy uskuna yaratishdi. Uning yordamida kamqonlik xavfini tezkorlik bilan aniqlash mumkin. Tahlil natijasi 60 soniya ichida shifokorga jo‘natiladi.
Uskuna 3D printerda bosib chiqariladigan shaffof oynadan tashkil topgan. Plastinkalar mikroflyuidlardan tuzilgan bo‘lib u bemorning smartfoniga biriktirilgan. Foydalanuvchi qon tomchisini plastmass oynaga tomizadi. So‘ngra uning tahlili rangli shkalalar orqali namoyon bo‘ladi.
X. HUSENOVA
