SIZ TARIXNI BILASIZMI?..
Maktabda fan oyligi
Toshkent shahar Bektemir tumanidagi 289-umumta’lim maktabida ham “Yanvar – tarix va huquq fanlari oyligi” yuqori saviyada o‘tkazildi.
Tarix va huquq fanlari metod birlashmasi tomonidan o‘qituvchi va o‘quvchilar o‘rtasida fan oyligiga bag‘ishlab ochiq darslar, ko‘rik-tanlov hamda turli tadbirlar uyushtirildi. Jumladan, 6-9 sinflar o‘rtasida “Siz tarixni bilasizmi” bellashuvi doirasida fan oyligiga bag‘ishlab devoriy gazetalar, bukletlar tayyorlandi.
9-”B” sinf o‘quvchilarining tayyorlagan devoriy gazetasi, 6-”D” sinfda o‘tkazilgan ochiq dars eng namunali deb topilib, g‘olib sinflar, o‘quvchilar munosib taqdirlandilar.
O‘quvchilarning savodxonligini oshirish hamda Bosh Qomusimizning mazmun-mohiyatini puxta o‘rganish maqsadida tashkil etilgan bunday ko‘rik-tanlovlarning o‘tkazilishi muhim ahamiyatga ega. Zero, huquqiy savodxon inson jamiyatda to‘g‘ri yo‘ldan og‘ishmaydi.
O‘z muxbirimiz
