Kir yuvish mashinasi o‘rnini bosuvchi sumka
Faol jismoniy mashg‘ulotlardan so‘ng sport kiyimlarini tozalovchi va unga pokizalik baxsh etuvchi maxsus sumka yaratildi.
Ushbu qurilma arzon va ultrabinafsha nurlar yordamida kiyimni tozalaydi. Kir yuvish jarayonini boshlash uchun sumkada joylashtirilgan tugmachani bosish yoki uni smartfon yordamida amalga oshirish mumkin. Jarayon 15 daqiqadan 35 daqiqagacha davom etishi mumkin.
Belgilangan vaqt davomida ultrabinafsha nurlar yoqimsiz hid keltirib chiqaruvchi bakteriya, virus va zamburug‘larni nobud qilsa, ozon kiyimga pokizalik bag‘ishlaydi. Qizig‘i shundaki bunday ishlov berish sumkadagi ichimlik suvi va oziq-ovqatni yaroqsiz holga keltirmaydi.
