Қўзиқоринли жульен-суфле
Зарур масаллиқлар: 300 гр. қўзиқорин (шампиньон, вешенка), 120 гр. қаттиқ пишлоқ, 2 дона бош пиёз, 200 гр. салат ёғи, таъбга кўра туз ва мурч.
Суфле учун масаллиқлар: 100 гр. сметана (суюқ қаймоқ), 2 дона тухум.
Тайёрланиши: қўзиқорин оддий шаклда тўғралиб пиёз билан ёғда қовурилади. Сўнг пишлоқ майда қирғичдан ўтказилади. Қўзиқорин ликопчаларга солиниб, устидан майдаланган пишлоқ сепилади. Кейин яна унинг устидан суфле қуйилади. Суфлени тайёрлашда тухумнинг сариғи туз ва сметана билан яхшилаб аралаштирилади. Тухумнинг оқи ҳам алоҳида кўпиртирилади. Ундан сўнг иккала масаллиқ яна қўшилиб бирга пиширилади.
Ёқимли иштаҳа!
Д. АЗИМОВА
