Chaqaloqlarda yangi davolash usuli
O‘zbek olimlari chaqaloqlarda katta o‘lchamdagi omfalotseleni davolash usulini yaratdilar.
Bu usul tibbiyot, xususan, bolalar jarrohligida qo‘llaniladi. Mazkur ixtironing vazifasi katta o‘lchamdagi omfalotseleni operatsiya yo‘li bilan davolashda qorin bo‘shlig‘i operatsiya maydonining hajmini oshiradigan va undan keyingi asoratlarni kamaytiradigan usulni yaratishdan iborat.
Chaqaloqlarda katta o‘lchamdagi omfalotseleni davolash usuli taklif qilingan bo‘lib, u churra bo‘rtiqi atrofida aylanma kesik hosil qilish, ibtidoiy qorin pardasi saqlangan holda churra bo‘rtig‘i qobiqini kesish, organlarni qorin bo‘shlig‘iga cho‘ktirish va churra bo‘rtiqni bartaraf etishni o‘z ichiga oladi.
Ushbu ixtiro uchun mualiflarga patent berildi.
O‘zbekiston intelektul mulk agentligi
Axborot xizmati
