Сарвиноз – халқаро гроссмейстер
Халқаро шахмат федерацияси – ФИДЕ иқтидорли шахматчимиз Сарвиноз Қурбонбоевага халқаро гроссмейстер унвони берилганини эълон қилди.
– Бу унвон мамлакатимизда ёшларни баркамол этиб тарбиялаш, истеъдод ва қобилият эгаларини ҳар томонлама қўллаб-қувватлашга қаратилаётган доимий эътибор ва ғамхўрликнинг халқаро спорт ҳамжамияти томонидан кенг эътирофи, деб биламан. Биз, ўзбек ёшлари ҳар қандай соҳада энг юқори чўққиларни забт этишга қодирмиз. Бунинг учун юртимизда имконият ва шароит бисёр, – дейди Сарвиноз Қурбонбоева.
