IQBOLANING OYDIN ISTIQBOLI
Namangan viloyati To‘raqo‘rg‘on tumanida yashovchi Iqbola Umarova kulolchilik an’analarini davom ettirib kelayotgan hunarmandlardan.
Iqbola milliylik va zamonaviylikni uyg‘unlashtirgan holda loydan turli qo‘g‘irchoqlar, lagan, ko‘za kabi sovg‘abop buyumlar yasash va ularga bezak berish bilan shug‘ullanadi. “Tashabbus – 2015” hamda “Vatan taraqqiyotiga mening hissam” ko‘rik-tanlovlarining viloyat bosqichi g‘olibi Iqbola “ustoz-shogird” an’anasi asosida yoshlarga kulolchilik sirlarini o‘rgatib kelmoqda.
