“Salomatlik poyezdi”: Orolbo‘yi aholisiga 15 milliard so‘mlik muruvvat yordami yetkazildi
“Sog‘lom avlod uchun” xalqaro xayriya fondi va “O‘zbekiston temir yo‘llari” AJ hamkorligida navbatdagi “Salomatlik poyezdi” Orolbo‘yi hududiga yuborildi. Ushbu xayriya aksiyasida 1 ming 350 nafarga yaqin fuqaro yuqori malakali shifokorlar tomonidan chuqurlashtirilgan tibbiy ko‘rikdan o‘tkazilib, ularga manzilli muruvvat yordami ko‘rsatilmoqda.
Shuningdek, tadbir doirasida hududda istiqomat qilayotgan aholiga yordam tariqasida 15 milliard 167 million so‘mlik dori-darmon, oziq-ovqat mahsulotlari, kattalar va bolalar kiyimlari, poyabzallar, sanitariya-gigiyena vositalari tarqatiladi.
