O‘zbekistonda AQSH bilan ikki diplomli ta’lim paydo bo‘lishi mumkin
Amerika universitetlari konsorsiumi (ACU) O‘zbekistondagi oliy o‘quv yurtlari bilan hamkorlikni, shu jumladan, talabalar almashinuv dasturlari va ikki diplomli ta’lim orqali hamkorlik qilishga tayyor turibdi.
Bundan tashqari, qishloq xo‘jaligi, agronomiya va o‘simlikshunoslik, biznes boshqaruvi hamda kompyuter injiniringi, pedagogik faoliyat sohalarida qo‘shma ilmiy tadqiqotlar rejalashtirilgan. Shuningdek, “Interlik” til markazlari O‘zbekiston davlat jahon tillari universiteti bilan kelishuvga erishish niyatida. Bu dastur yurtimizdagi talabalarni o‘qitish va o‘quv dasturlarini birgalikda ishlab chiqishni nazarda tutadi.
