O‘zbek sporti afsonasi jahon chempionati finalida
Xabar berib o‘tganimizdek, Qatar poytaxti Doha shahrida sport gimnastikasi bo‘yicha jahon chempionati davom etmoqda.
Musobaqada o‘zbek sporti afsonasi Oksana Chusovitina ham ishtirok etmoqda. Hamyurtimiz tayanib sakrash mashqlarida 14,200 ball jamg‘ardi va beshinchi natija bilan finalga yo‘l oldi. Hal qiluvchi bahslar 2 noyabr kuni bo‘lib o‘tadi.
Eslatib o‘tamiz, sport gimnastikasi bo‘yicha 48-marotaba tashkil etilayotgan ushbu jahon chempionati Tokio – 2020 Olimpiya o‘yinlari uchun dastlabki litsenzion musobaqa hisoblanadi.
