Оғир атлетика бўйича жаҳон чемпионати ўзбекистонда ўтказилади
Куни кеча Бухарестда Халқаро оғир атлетика федерацияси Ижроқўмининг йиғилиши ўтказилди.
Унда 2018 йилда Шимолий Корея пойтахти Пхеньянда бўлиб ўтиши лозим бўлган ўсмирлар ўртасидаги жаҳон чемпионати Тошкентга кўчирилиши ҳақида қарор қабул қилинган.
Эслатиб ўтамиз КХДР жаҳон чемпионатини ўтказиш ҳуқуқини 2016 йилда қўлга киритган. Пхеньяндан ташқари мусобақа мезбонлиги учун Минск (Беларусь), Эйлат (Исроил), Анахайм (АҚШ) ва Тошкент (Ўзбекистон) кураш олиб борган эди.
Т. ОРТИҚОВА
