Og‘ir atletika bo‘yicha jahon chempionati o‘zbekistonda o‘tkaziladi
Kuni kecha Buxarestda Xalqaro og‘ir atletika federatsiyasi Ijroqo‘mining yig‘ilishi o‘tkazildi.
Unda 2018 yilda Shimoliy Koreya poytaxti Pxenyanda bo‘lib o‘tishi lozim bo‘lgan o‘smirlar o‘rtasidagi jahon chempionati Toshkentga ko‘chirilishi haqida qaror qabul qilingan.
Eslatib o‘tamiz KXDR jahon chempionatini o‘tkazish huquqini 2016 yilda qo‘lga kiritgan. Pxenyandan tashqari musobaqa mezbonligi uchun Minsk (Belarus), Eylat (Isroil), Anaxaym (AQSH) va Toshkent (O‘zbekiston) kurash olib borgan edi.
T. ORTIQOVA
