Sitoradan yangi rekord
Londonda yengil atletika bo‘yicha davom etayotgan jahon chempionatining xotin-qizlar o‘rtasidagi bahslarida yurtdoshimiz Sitora Hamidova muvaffaqiyatli ishtirok etmoqda. U 10 ming metr masofaga yugurish musobaqasida o‘tgan yilning avgustida Braziliyada o‘tkazilgan yozgi Olimpiya o‘yinlarida o‘rnatgan O‘zbekiston rekordini yangiladi.
Olimpiya o‘yinlarida termizlik sportchi ushbu masofani 31 daqiqa 57,77 soniyada bosib o‘tgan edi. Bu yilgi jahon chempionatida Sitora o‘z natijasini 31 daqiqa 57,42 soniyaga yaxshiladi.
S.Hamidova 10 ming metr masofaga yugurish bo‘yicha dastlabki O‘zbekiston rekordini Janubiy Koreyaning Inchxon shahrida bo‘lib o‘tgan XVII Osiyo o‘yinlarida o‘rnatgan edi.
N.NORBOBOYEV
