G‘aroyib plastir yaratildi
Kaliforniya universitetida inson terisi yordamida energiya ishlab chiqaruvchi plastir yaratildi.
Uni kichik o‘lchamdagi gajetlar uchun quvvatlash qurilmasi sifatida qo‘llash mumkin. Misol uchun u bilan yugurish vaqtida mobil telefonlarni quvvatlash mumkin. Qurilma ixtirochilarining ta’kidlashicha tajribalar vaqtida ular radiopriyomnikning bunday plastirda ikki kun ishlashiga erishganlar.
Plastirning ishlashi oddiy. Unda odatiy energetik batareyalardagi metallar funksiyasini fermentlar bajaradi. Aynan ular inson terisidagi sut kislotasi bilan o‘zaro ta’sirlashib, energiya ishlab chiqaradi.
Bioenergetik plastir eniga va uzunligiga bir necha santimetr bo‘lib, u teriga yopishtirib qo‘yiladi.
