400 ga yaqin atletchi O‘zbekiston ochiq kubogida ishtirok etishdi
Poytaxtimizda O‘zbekiston Respublikasi Jismoniy tarbiya va sport davlat qo‘mitasi hamda mamlakatimiz yengil atletika federatsiyasi tomonidan tashkil etilgan yengil atletika bo‘yicha O‘zbekiston ochiq kubogida 400 ga yaqin sportchi g‘oliblik uchun kurash olib bordi.
Doston Saydaliyev, Anvar Sarimsoqov, Hasan Akbaraliyev, Andrey Petrov, Gulhayo Rahimova, Sabina Tolacheva, Sitora Hamidova turli masofalarga yugurish bo‘yicha g‘oliblikni qo‘lga kiritdi. To‘siqlar osha yugurishda Shohrux Baratov va Anvar Safarov birinchi o‘rinni egallagan bo‘lsa, qizlar o‘rtasida Valentina Kibalnikova oltin medal bilan taqdirlandi.
Nayza, yadro, disk va bosqon uloqtirish bahslarida Ivan Zaysev, Sergey Dementyev, Ivan Markelov, Suhrob Xo‘jayev, Musharraf Saydahmedova, Sofiya Burhonova, Svetlana Proshkina hamda Anastasiya Aslandu shohsupaning eng yuqori pog‘onasiga ko‘tarildi.
Uzunlikka, balandlikka va uch hatlab sakrashda Ivan Denisov, Dmitriy Melsitov, Ruslan Qurbonov, Oksana Molchanova, Viktoriya Dirdina, Nadiya Do‘sanovaga teng keladigani topilmadi.
O‘n kilometr masofaga sportcha yurish bo‘yicha kuch sinashgan atletlar o‘rtasida Asilbek Zokirov va Parizoda Nabiyeva marra chizig‘ini birinchi bo‘lib bosib o‘tdi. O‘nkurash bellashuvlarida Sanjar Niyozov, yettikurash bahslarida esa Aleksandra Yurkevskaya g‘alaba qozondi.
N.NORBOBOYEV
