Shifokor qo‘shig‘i
Hayot uchun xushyor-u, bedor…
Davolashga hamma tayyor.
Chehrada nur, qalbida bahor –
Shifokormiz, bizlar shifokor.
Niyatimiz: sog‘ bo‘lsin bemor!
Doim shirin, bol qilay so‘zim.
Mehr nurin taratsin ko‘zim.
Dardingizni olay, azizim,
Shifokormiz, bizlar shifokor.
Niyatimiz: sog‘ bo‘lsin bemor!
Qalbingizda umid uyg‘otgay,
Bor tajribam men sizga atay.
Sog‘aytirib, baxtiyor etay,
Shifokormiz, bizlar shifokor.
Niyatimiz: tuzalsin bemor!
Yo‘qlab kelsin do‘stu yoronlar,
Foyda qilsin dori-darmonlar.
Dilingizdan ketsin armonlar,
Shifokormiz, bizlar shifokor.
Niyatimiz: sog‘ bo‘lsin bemor!
Ko‘rsaturmiz beminnat yordam,
Har insonni eturmiz bardam.
Murodiga yetsin har odam,
Shifokormiz, bizlar shifokor.
Niyatimiz: sog‘ bo‘lsin bemor!
Murod RAHMON
