KULGU ShIFO (2013-12)
– Xotin, pul cho‘ntagimda turibdi, qancha kerak bo‘lsa olib ishlataver.
Xotini pulni olib:
– Pulni oldim, yana shuncha kerak.
* * *
– Qiziq, juda ajoyib restoran ekan, ovqatlari ham mazali. Nega shunday yaxshi dargohga «Qaroqchilar» deb nom berishgan ekan-a?
– Hozir yegan ovqatingizning pulini hisoblab berishganda bilasiz.
* * *
Boks. Tanaffus payti:
– Raqibingni boplab qo‘rqitding-da!
– Yo‘g‘-e, qanaqasiga?
– U seni urib o‘ldirib qo‘ydim, deb o‘yladi.
* * *
Hech qachon yuguruvchi sportchilar bilan mushtlashmaslik kerak. Sen kuchli bo‘lsang, u qochib ketadi, bari bir yetolmaysan. U kuchli bo‘lsa, bari bir qochib qutulolmaysan, yetib olaveradi.
