Sport – salomatlik garovi
Olmaliq shahrida “Sport – salomatlik garovi” shiori ostidagi respublika spartakiadasining Toshkent viloyati bosqichi bo‘lib o‘tdi.
Toshkent viloyati kasaba uyushmalari tashkilotlari birlashmasi tomonidan hududdagi korxona, tashkilot va muassasalarda mehnat qilayotgan xodimlarni sportga keng jalb etish, ularni kasb kasalliklaridan sport hamda sog‘lom turmush tarziga amal qilish orqali muhofaza qilish maqsadida tashkil etilgan spartakiadada 350 dan ortiq ishtirokchi sportning olti turi bo‘yicha o‘zaro bahslashdi.
Musobaqada ishtirokchilar stol tennisi, badminton, suzish, shaxmat-shashka, voleybol kabi sport turlarida bellashdi. Musobaqada “Eng yoshi ulug‘ ishtirokchi”, “Eng mahoratli havaskor sportchi”, “G‘alabaga bo‘lgan intilishi uchun”, “Eng yosh ishtirokchi” nominatsiyalari bo‘yicha ham g‘oliblar aniqlandi.
T. ORTIQOVA
