Puxta bilim, malakali amaliyot
Nukus avtomobil-yo‘l xo‘jaligi va xizmat ko‘rsatish kasb-hunar kollejida avtomobillarni ta’mirlash va texnik xizmat ko‘rsatish bo‘yicha texnik-mexanik, transportda tashish va boshqarishni tashkil etish texnigi, obodonlashtirish texnigi kabi yo‘nalishlarda malakali mutaxassislar tayyorlanmoqda.
Ta’lim maskanida yoshlar bilim va kasb-hunar sirlarini puxta egallashi uchun barcha sharoit yaratilgan. O‘quv va amaliy mashg‘ulotlarda ilg‘or pedagogik texnologiyalardan samarali foydalaniladi. Boy kitob fondiga ega axborot-resurs markazi, sport zali, basketbol va voleybol maydonchalari o‘quvchilar ixtiyorida.
Kollejni joriy o‘quv yilida 650 nafar o‘g‘il-qiz tamomlaydi. Ayni paytda ularni ishga joylashtirish bo‘yicha tegishli korxona va tashkilotlar bilan shartnomalar imzolanmoqda.
Maqsad Habibullayev,
O‘zA muxbiri
