Пухта билим, малакали амалиёт
Нукус автомобиль-йўл хўжалиги ва хизмат кўрсатиш касб-ҳунар коллежида автомобилларни таъмирлаш ва техник хизмат кўрсатиш бўйича техник-механик, транспортда ташиш ва бошқаришни ташкил этиш техниги, ободонлаштириш техниги каби йўналишларда малакали мутахассислар тайёрланмоқда.
Таълим масканида ёшлар билим ва касб-ҳунар сирларини пухта эгаллаши учун барча шароит яратилган. Ўқув ва амалий машғулотларда илғор педагогик технологиялардан самарали фойдаланилади. Бой китоб фондига эга ахборот-ресурс маркази, спорт зали, баскетбол ва волейбол майдончалари ўқувчилар ихтиёрида.
Коллежни жорий ўқув йилида 650 нафар ўғил-қиз тамомлайди. Айни пайтда уларни ишга жойлаштириш бўйича тегишли корхона ва ташкилотлар билан шартномалар имзоланмоқда.
Мақсад Ҳабибуллаев,
ЎзА мухбири
