“Yashil haftalik-2017”: o‘zbekistonlik eksportchilar ko‘rgazmaning ilk kunlarida 10 million dollarlik shartnomalar imzolashdi
Berlinda 82-oziq-ovqat sanoati, bog‘dorchilik, qishloq va o‘rmon xo‘jaligi Xalqaro savdo ko‘rgazmasi – IGW Berlin Yashil haftalik-2017 bo‘lib o‘tmoqda. Tadbirda dunyoning 60 davlatidan bo‘lgan 1 ming 800 dan ziyod kompaniya ishtirok etmoqda.
Ko‘rgazmada bir qator xorijiy kompaniyalar bilan o‘tkazilgan muzokaralar yakuniga ko‘ra qiymati 10,170 million AQSH dollari bo‘lgan yangi va qayta ishlangan meva-sabzavot mahsulotini yetkazib berish bo‘yicha eksport shartnomalari imzolandi.
