Навоийда 395 нафар қария бепул дори-дармон билан таъминланди
“Соғлом авлод учун” халқаро хайрия фондининг Қизилтепа туман бўлими томонидан 2016 йил давомида Навоий вилоятидаги “Тошработ”, “Арабхона”, “Азизобод”, “Ҳусбуддин” қишлоқ врачлик пунктларида 3 минг нафарга яқин фуқаро тиббий кўрикдан ўтказилди.
Аҳолининг репродуктив саломатлигини мустаҳкамлаш, оналар, болалар ва ўсмирлар соғлигини муҳофаза қилиш мақсадида вилоятда амалга оширилган бу каби чора-тадбирлар натижасида 395 нафар ижтимоий ҳимояга муҳтож қарияга бепул дори-дармонлар тарқатилди. Кўриш қобилияти сусайган 20 нафар фуқаро фонд томонидан кўзойнаклар билан таъминланди.
