Uyquga yordam beradigan aqlli niqob
“Nuvi”startap niqobi uxlashga yordam beradi. Mazkur vosita tashqi yorug‘lik va shovqinlarni bloklashga xizmat qiladi.
Niqobda oltita rejim ko‘zda tutilgan bo‘lib, ular orasida hatto ish jarayonida kuch yig‘ishga ko‘maklashadigan dastur ham mavjud. Bundan tashqari, yana bir dastur aviaparvozlar paytida boshqa vaqt mintaqalariga moslashishga imkon beradi. Mobil qurilma, svetodiod va dinamik bilan ulanish uchun niqobga Bluyetoos moduli o‘rnatilgan.
Niqob Android va iOS platformalarida ishlaydigan mobil ilova yordamida boshqariladi.
G. EGAMBERDIYEVA
