Ayollar saylov huquqlarining kafolatlari
Andijonda “O‘zbekistonda ayollar saylov huquqlarining kafolatlari” mavzuida seminar bo‘lib o‘tdi.
Tadbirda viloyatdagi oliy ta’lim muassasalari profecsor-o‘qituvchilari, xotin-qizlar boshlang‘ich tashkilotlari raislari, ommaviy axborot vositalari xodimlari ishtirok etdi.
Saylovda viloyatimizda 994 mingga yaqin xotin-qiz ovoz berishi kutilmoqda. Viloyatda xotin-qizlarning ushbu siyosiy jarayonda faol ishtirok etishi, saylovni ochiqlik, tenglik va adolat tamoyillari asosida o‘tishini ta’minlash borasida keng ko‘lamli targ‘ibot-tushuntirish ishlari olib borilmoqda. “O‘zbekiston Respublikasi Prezidenti saylovi to‘g‘risida”gi Qonunning mazmun-mohiyatini tushuntirish, saylovda ishtirok etadigan xotin-qizlar, ayniqsa, ovoz berishda birinchi marta qatnashadigan qizlarning bu boradagi bilim va tushunchalarini boyitishga qaratilgan muloqot, uchrashuv va davra suhbatlari o‘tkazilayotir.
Seminarda targ‘ibot ishlarini yanada kuchaytirish yuzasidan fikr almashildi.
Umidjon MAMARASULOV,
Andijon viloyati
