San’at asari yoki hech qachon jonga tegmaydigan stol
Rassom va muhandis Bryus Shapiro 20 yildan buyon kinetik san’at asarlarini yaratish bilan shug‘ullanib keladi.
Uning so‘nggi ishi – “Sizif” nomli qumda murakkab naqshlarni chizuvchi stol-qurilmadir.
“Sizif”ning texnologiyasi murakkab bo‘lib, u magnit yordamida metall sharni qum ustida harakatlantiradi va o‘z ortidan ajoyib izlarni qoldiradi.
San’at asariga naqshni smartfon, planshet yoki kompyuter yordamida buyurish mumkin. “Sizif” istalgan qurilmaga Wi-Fi yordamida ulanadi. Internet orqali g‘aroyib stolchadagi naqshni yuklab olib, almashtirishingiz mumkin.
G. EGAMBERDIYEVA
